آی ایشغیندا؟

 

 

 

 

 

گئجه یاریسی  آی ایشیغیندا تورپاق قوخوسو بیزی بورودو

بوردا قارالتی    اوردا قارالتی       آی ایشیغیندا

دئدی بیریسی ساواش قوخوسو بویاخینلیقدا بیریئردن گلیر

دوندوک آرخایا  آرخا آرخایا وئردیک اوتوردوق   آی ایشیغیندا

گؤزلرین بیری  یاشلا دولویدو  اوبیرسی  آمما قان چاناغی تک

هئچ بیلمیردیک کی بویوندا باش یوخ  نه ال قالیبدی نه ده کی آیاق

توز کیمی بیزی  سرپیپلر گؤیه هاوادان گلیب یئره قونموشوق

بو گؤز او گؤزدن بیرعمور اوزاق  بو ال او باشا اؤلومدن یاخین

گئجه هله ده یاری نقطه سین سووشمامیشدی    آی ایشیغیندا

آی ایشغیندا دئولر گزیردی   گئجه اونلاری قارا بزیردی

قورخو بیزلری ائله ازیردی  کی بیزده بیزلیق ؟   قالمیشدی؟   حاشا!

فیکیرلشدیق کی فیکریمیز هاردا  الیمیز یوخسا  ائلیمیز هاردا

بیربیریمیزله دئدیک دانیشاق هرکیم نه تاپیر اونا یاپیشاق

بیریسی دئدی منه سن ال اول بیریسی دئدی گؤزونله گؤردوم آیاغیم اوردا

منیم آیاغیم اونون الیدی  اونون بیرگؤزو گؤرمک  قایداسی

اونون  گؤزویله منیم آیاغیم بیرلشیب بیردن  قالخدیق آیاغا

 بو دوشرگه لر پوزولمالیدی  نه دوشرگه سی  پخ آنباری ایدی

باغلی ایدی بیزه بوتون قاپیلار   قاپی وارایدی    آچان ال هاردا ؟

 

 

 

 

    

 

 

 

 

/ 1 نظر / 20 بازدید
آرش ساعی

سالام آی ایشیغی یلا گؤرونن، گونش له باتمایان یازیچی شاعیر هامی دان اؤنملی آذربایجانلی تورک یولداشیما. شئعرینی اوخودوم. قورخو ایزتیراب اوموده اومودسوزلوک بئینیم ده چاخناشدی آلوولاندی هیجانلی آددیم لار . اورتایا گلدی اورتاقلیغیمیز الیمیز گؤزونوز آیاغیمیز . شئعرین ایلکیندن سونونا دک بیر موسیقی منی آپاردی. دؤردونجو گاه ین متنینده یارانان سس لر ایزتیراب لار. یاشادیم آنجاق. یاشا . منده آخی غوربت چی یم. بیرده دونیا ایکینجی ساواشی آدلا بیر شئعرله وار اولموشام بو گونلر بو مجازی دونیادا . وئبلاگیما باخ واختین اولورسا. شئعرینی save ائتدیم. هله لیک.