من بوردایام ،قویوچولاردان اوزاق دا، اوددان اوزاق دا،ایلدیرسکی یه  سؤیکنمیشم و بوز کیمی سویوغام ، پیچاق کیمی سویوغام وبلکه یوک یئرینده عاشورا گونونه ساخلانمیش خنچلم وبلکه بو خنچلی یالین – چیلپاق دیزلریمین اوسته ساخلامیشام واونا باخدیقجا سویوق لوغو جانیما ایشله ییر وبلکه بیر پیچاق ،بؤده ،خنچل ساتان توکانی یام،بوم – بوز بیر توکان و بوباش دا گؤزه دَیَر بیر ضامین لی پیچاق کی بیردن – بیره آچیلیر.

دار آغاجی سوووشور.

نئچه پیلله آشاغی قالان ،چوخوردا قالان بیر ائوین کوچه قاپیسی سوووشور.

بیر کؤپموش دووار سوووشور.

من ده بیر ایش دالیسیندایام .هاچاندی ال لریم داریخیر.من ده بیر دولو زنبیل له ائوه گئتمک ایستیرم.

گؤره سن من هانسی یولدان گئتمه لی یم.

 

                                                      منیم آدلاریم- صالح عطایی

/ 0 نظر / 6 بازدید