تبریزه سلام

 

بیر

چوخ چوخدان ایدی تبریزه گئتمه میشدیم.ائله بو یاز او قیش،اوقیش بویاز دئمیشدیم آمما گئتمه میشدیم؛دوغروسرو گئدنمه میشدیم.زمان کئچدی گلدی چاتدی بوقیشا ،قیشا ،سویوغا باخمایاراق ساکیمین ایچینه ایکی اوچ پالتار دان ذاتدان آتددیم ،یولا دوشدوم.بو سفر ،یول ،جادده ،قاباخکی سفرلردن قیسسالمیشدی.بوسفر داها میانانی گؤرمه دیم.تونللردن،بوروخ بوروخ یوللار دان خبریوخودو.آدام نه غریب موجوددی آی قارداش،ای باجی.بیرزمان اورالارمنه کابوس کیمین ایدی.آمما ایندی گؤزوم آختاریردی اولاری ،بوروخلاری،تونللری.سؤزون دوزونو آختارساق ،بئله ده ده ییرکی،او بوروخلارین،تونللرین بیر آز اویانلیغیندا یا بویانلیغیندا یا اوردان برابر کئچن آداملاردان خاطیره لرده وارایدی کی ایندی اولاردا آرادان گئتمیشدی.بئینیمین بیر قیسمین ائله بیر سیلمیشدیلر.بیرزمان دوه چی ده ده بئله بیر مسئلیه راست گلدیم؛گئتدیم گؤردوم من گئدن یوللاری ییخیب لار.مدرسه یه گئدن گؤنلریمی خاطرلادیم آمما اوردا دا بئله حس ائله دیم کی بئینیمین یاریسینی سیلمیشدیلر...گلدیم یا گلدوخ چاتددوخ تبریزه.بیرباخدیم گؤردوم آی بالا دروازا دا ماشیندان یئنمیشم اوتورموشام بیر تاکسی دا.اؤزوده قاباقدا.باخیرام قاباغا.باخیرام اؤز اؤزومه تبریز اوردا دی تبریز اوردادی دئییرم.ائله تئز یتیشمیشدوخ کی اؤز اؤزومه دئدیم قییداخ بیرده گلاخ.ائله بیرقاباقدا اوتورسام تئزیئتیشه جاغام تبریزه.هله بیرآزدان سورا قوجا بیر آرواد گلدی قاباق قاپینی آچدی صندلده اوتورماق ایسته دی.یازیق گؤرموردو منی.دئدیم آی خانیم ،نه ایش گؤروسن؟بوردا آدام اوتوروب ها.دئدی وای ،بالام ،به غیشله گینن.سن ناواخ گلددون بورا؟دئدیم من بیر آزقاباق گلمیشم.دئدی من دالیدا اوتورانمارام ،ایاغیم آغری یر.یندیم گئتدیم دالیدا اوتوردوم .چوخ دوعا ائله دی.اونون دوعاسی چوخ تئز اثرین گؤرستدی.گئتدیم یئتیشدیم فامیل ائوینه،اوردا یادیما دوشدوکی هئچ اولارا گلماغیمی دئمه میشم.بیرآز اوزومله فیکیرلشدیم.آخیرده دئدیم نه اولاجاق ،بیربئله یول گلمیشم ،دیبی یوخودان دوراجاقلا دا.اول تیلفون ائلییم دئدیم،سورا بئله قراروئردیم کی گئدم آیفونی چالام.آخیره قاپینین زنگینی چالدیم.فامیل ائله قاباغاچیخدی کی یولون بوتون یورقونلوغو گئتدی جانیمدان.سلام تبریزه.

 

/ 6 نظر / 17 بازدید

لطفا ترجمه كنيد ما هم بفهميم چه مي گوييد آقاي سيف الديني

بیر همشهری

سلام،سفرنامزدن تشکر ائدیریم

تبریز

چوخ زمانلاردان سورا علیرضیه گینه سلام وساغول بی یازییه تبریز

ÖzÜ

çox zamanlardan sora tabrize gine salam ve gine sag ol bu yazı uçun [گل]

داود خدایی

سلام خوش آمدید آقای سیف الدینی. ما که سعادت نداشتیم شما را زیارت کنیم ولی خوشحالیم که بعد از سالها حتی اگر برای چند روز به شهرتان آمده بودید. ای کاش تبریز میتوانست چهر ها را در خود نگه دارد.